Joyce's profileJoyce, Joy-Space ^0^PhotosBlogListsMore  |  Tools Help |
|
|
January 22 23-JanProject 終於告一段落了, 但是, 又開始考試了....
要開始努力了...
昨天我和妹妹去了珠海一天遊,
是我以前的中學搞的,
原本我也不想去, 但是, 難得可以見到以前的老師,
我冒著不夠時間溫習的風險, 終於決定去了...
昨天我出門口的時候, 雖然看到天都是灰色的,
但是我以為到了中午會有太陽, 或者是走得興起,
就不會冷, 所以只穿了兩件薄的衣服和帶了頸巾便出門了
但是, 唉...昨天冷得可憐....
特別是到了橫琴, 溫度更低,
昨天整天的旅程都是在寒冷中度過的....
現在, 我的頭又痛得快爆炸似的.....
但是, 昨天玩得很開心,
見到以前的老師, 校長, 和認識了新的老師,
現在就好像朋友一樣, 沒有了以前的拘束感了~~
^0^
昨天去了橫琴的"海洋樂園",
裡邊很大, 但是設施真的很不濟....
只有幾個金魚缸, 裡邊只有數條小魚...
展櫃裡只有一些貝殼, 沒有開燈, 又放得毫無美感....
裡面有一個展覽館, 放著很多魚的標本,
很多條魚放在一個瓶了裏, 擠迫得很, 又是"毫無美感"....
唉~~這就叫做"海洋樂園"?!
到了下午, 我們去了平沙的"武林源",
外圍和裡邊的感覺很好, 很有古代武林的感覺~~
裡面主要是看表演, 有雜技, 花木蘭從軍等等
最值得一提的是少林功夫的表演,
他們有很專業的感覺, 看到他們表演得很享受似的,
其中一個主角, 大慨十三,四歲左右吧, 好像在哪裡見過,
但又想不起...不知是不是在電視裡呢?
他們表演完, 還在做仰臥起坐, 真厲害,
不知他們是不是真的少林弟子呢??
^0^
"武林源"裡面的景色很漂亮, 但就是老是找不到好的位置拍照,
所以昨天拍的照很少...真浪費....
事實上, "武林源"還未修好, 有很多景點未開,
加上, 由於我們要5時離開, 他們的壓軸好戲--
大型山水舞台劇並沒有看到,
所以, 有機會我還會再去一次~~ January 05 深圳之旅今日終於的起心肝寫關於去深圳0既Blog,
d相整左好耐, 都整得唔係咁好,
原本d相太大張, 整左落個Blog度, 我個樣就起晒角la... >.<
我地0係23號起行, 25號下午返, 3日2夜,
如果唔係我要趕返澳門睇舞台劇, 我地會玩夜d先返~
由於leo三日都唔舒服, 所我地淨係去左世界之窗,
佢身體好似好差咁, 真讓人擔心....
24號一早去左世界之窗,
入面好大, 好多野睇, 真係可以行足一日架~
有巴黎艾菲爾鐵塔, 金字塔, 美國白宮, 吳哥窟, 布達拉宮, 比薩斜塔...
好多好多, 數都數唔哂.....
我地仲上左塔頂去睇世界之窗既全景, 雖然我有畏高, 但係都忍唔住睇,
去到咁高睇d景點, 個感覺真係唔同d架~~
可以0係一日之內遊晒全世界, 真係好~~
我地都算幾好彩, 無意之中都俾我地撞到4個show,
又睇到巡遊同表演, 仲睇左個3D水底電影, 個效果好逼真,
條美人魚同海豚好似真係走到你面前咁架~
有野0係你腳邊郁, 仲會有水噴出嚟tim~
雖然佢講普通話我唔係好明, 但係好好睇~~ hoho~
leo佢好識影相, 個景又好靚, 令到我都好有心機影相,
仲影左259張相tim~hoho~
不過就俾leo不停咁話我唔識影相...我諗我都係要學下先得la~~
d相全部都影得唔錯,不過個space有限, 整唔到咁多相上去~~
得閒再加d上嚟 la~大家0係我相簿度睇住先la~~
我晒左百幾張相出嚟, 真係晒相都可以晒窮人呀,
影相0既時侯見到個好可愛既小朋友, 係混血兒嚟架~
我哀求左佢好耐, 佢先肯同我影相架~~佢個樣都係好痛苦.. >.<
大家睇下, 佢係咪好得意呢~~
世界之窗入面有個人造滑雪場, 我地去左滑雪,
-- 即係坐住個大水泡, 由高處"sir"落嚟,
都幾刺激, 幾好玩架~我地玩到唔捨得走tim~~
0個日行到腳都軟埋, 但係leo就冇乜事咁wor,
睇嚟都係因為我成日揸車, 冇乜運動既原因la~
返嚟之後隻腳痛左兩日... >.<
haha~睇嚟我都係唔識照顧人架la,
leo唔舒服, 我都淨係識得擔心, 乜都唔識做, 又做唔到...
唔緊要la, 佢唔會怪我既~ hoho~
有機會大家真係要去下世界之窗, 值得一去的哦~~
當然, 去睇真0既就梗係最好la~~^0^ June 28 香州之旅今日同個 friend 去左一次小旅行, 今次既目的地係"香州"...
本來尋日仲好有心情去架,
但係今日訓醒, 見到出面陽光普照, 風和日麗, 又曬又熱, 就乜心情都冇晒la...
但係由於機會難得, 我地都照原定計劃10點半出發,當然, 一定有搽防曬la~~
我地食完野, 就向第一個目的地--"海濱公園"出發囉~~
有好多白鷺呀~~不過係假既~~
大家睇下, d風景幾靚~~
"海濱公園"好大, 但係全就都係植物, 好似行極都行唔晒咁...
跟住幾經辛苦先搵到個機動遊戲區, 但係d工作人員話今日休息....冇得玩... >_<~ 今日真係好曬, 公園又唔係有太多樹蔭wor,
所以都幾辛苦, 所以我個 friend 一味係咁嘈住要去行商場...
所以我地行完"海濱公園"就走左去行商場...
之後我地走左去行商場, 入面好大...大過八佰伴la~
見到佢地個儲物櫃, 心諗:點解冇鎖匙既??
點知完來個櫃係電腦控制既, 首先按個"存"字, 佢就會打張密碼紙出嚟,
然後個櫃門就會自動打開, 擺左野跟住閂埋個櫃門就得,
攞既時侯就只要將張密碼紙個條碼擺0係部機前面, 佢就會偵測到邊個格,
又會自動開返...真係好先進...
跟住我忍唔住照左2張相, 個保安哥哥就唔俾我影la...
真係失禮死人la, 好似大鄉里咁...但係人地真係未見過ma....
就係呢個自動儲物櫃la, 係咪好先進呢~~
跟住我地仲去埋"石景山公園"同埋去左香州總站行商場,
0個度風景都係好靚, "石景山公園"就唔同la, 呢度種左好多樹, 雖然0個日好晒, 但係都好涼快~
呢張係我地划艇既時候影既~
細節我就唔講la, 因為我打字打到手軟la....
影左d相, 下面有12生肖既其中既幾隻,
呢隻係"狗"~
呢條係"龍"~
呢條係"蛇"~~
"鼠"呀~~
呢隻肥嘟嘟既, 就梗係"豬"la~~
因為0個陣時有幾個男人訓左0係上面, 我又唔敢叫佢地借開wor...
所以淨係影左幾隻...
有d相貼左0係 photo book 度, 大家可以睇下我既作品~~
^0^
今日就曬到黑"掹掹", 好慘~~ 又乜都冇買到... ~(>_<)~
最後, 大約5點幾, 我地都係返返去關口附近行商場同頭髮la~~
總括嚟講, 今日都不枉此行~~
想去旅行, 不過冇假, 好似咁, 近近地都幾開心架~~ ^0^ |
|
|
